पोखरेली सहारा र आहा गोल्डकपको उचाई

शिव शर्मा चाञ्चल

खेलकुद भनेपछि हुरुक्क नहुने पोखरेलीहरु कमै छन् । खेलकुदमा पनि फुटवल भनेपछि त झन सवैको रोजाइ हुने गरेको छ । फुटवलमा पनि आहा गोल्ड कप सवैको बहुप्रतिक्षारत प्रतियोगिता हो । सहारा क्लव पोखरा र आहा गोल्ड कप प्रतियोगिता एक अर्काका पर्याय हुन । राजधानी खाल्डो वाट टाढा रहेर पनि सहारा क्लव पोखराले फुटवलमा स्वदेशमा मात्र हैन विदेशमा समेत ख्याति आर्जन गरको छ । त्यही ख्यातिका कारण देश विदेशबाट सहारा क्लवले भरपुर सहयोग पाइरहको छ । प्रत्येक वर्ष आहा गोल्ड कप प्रतियोगिता आयोजना गरेर सहाराले चर्चा बटुल्दै आएको छ । र फुटवलप्रेमीहरुलाई अपार मनोराजन पनि प्रदान गदै आएको छ । शुरुका दिनमा सामाजिक सेवा गर्ने हेतुले स्थापना भएको सहारा क्लव अहिले आएर फुटवलको पर्याय बनेको छ । धेरै ले सहारालाई फुटवलमा ख्याति आर्जन गरेको क्लवको रुपमा चिन्ने गरेका छन् । यसको सम्पुर्ण श्रेय क्लवले आयोजना गरेको अन्तराष्ट्रिय स्तरको आहा गोल्डकपलाई नै जाने गरेको छ ।

विगत का वर्षहरुमा जस्तै यस पटक पनि क्लवले पोखरा रंगशालामा आहागोल्ड कप प्रतियोगिता गदै छ । फागुनको दोस्रो सातादेखि हुन लागेको प्रतियोगिताको तयारीका लागि आयोजकहरु जुटीसकेका छन् । फागुन महिनाको थोरै चिसो र पारिलो घाममा फुटवलप्रेमीहरुले यस पटक पाचौ आहा गोल्डकप हेरेर मज्जा लिन पाउने भएका छन् । प्रतियोगितालाई रोचक र घोचक बनाउन आयोजनाहरुले नया प्रयोग गदै आएको पाइन्छ । गत वर्ष विदेशी नाइजेरियन टोलीलाई प्रतियोगितामा समावेश गरेर अपार घरेलु दर्शकको मन लुटेको थियो । जुन प्रतियोगिताको उपाधी समेत नाइजेरियन टोलीले नै हात पारको थियो ।

यस पटक पनि प्रतियोगितालाई रोचक बनाउन आयोजकहरुले बेलायतवाट फुटवल टिम झिकाएका छन् । सहारा क्लव युके टिममा केही वेलायती र वेलायतमा बस्ने नेपालीहरु सलग्न रहने छन् । यसको चाजोपाजो बेलायतमा रहेका क्लवका शुभचिन्तक नविन गुरु्रले मिलाएका हुन । उनि सहारा क्लवलाई थुप्रै पटक आर्थिक सहयोगत जुटा्ई सकेका छन् । यस पटक पनि क्लवलाई ९ लाख सहयोगत बोकेर आउदैछन् उनि । सहाराका उनि दानवीर नै भएका छन् । वेला्यती टोली आहा गोल्डकपमा सहभागी हुने चर्चाले फुटवलप्रेमीहरुको ध्यान खिचिएको छ र यसलाई पनि फुटवलप्रेमीहरुले रमाइलो पक्षको रुपमा हेरेको पाईन्छ । आहा गोल्डकपलाई राष्ट्रिय तथा अन्तराष्ट्रिय स्तरमा पुर्याउन क्लवले प्रतियोगितामा विदेशी टिमलाई सहभागि गराउन थालेको हो । बेलायतवाट समेत फुटवल टिमको सहभागिता हुने भएपछि आयोजकहरु पनि हर्षित छ्न् । क्लवका अध्यक्ष विक्रम थकाली भन्छन्-आहा गोल्डकपलाई अन्तराष्ट्रिय स्तरमा पुर् याउने योजना छ । देशकै ठुलो रंगशालामा यस पटक पनि १२ टिमको प्रतियोगितामा चर्को प्रतिस्पर्धा हुने छ ।

सहारा क्लवले जिल्ला स्तरीय फुटवल प्रतियोगिता आयोजना गरेर फुटवलको यात्रा थालेको थियो । तत्तपश्चात क्लबले क्षेत्रिय र राष्ट्रिय हुदै अहिले अन्तराष्ट्रिय स्तरको आहा गोल्डकप गदै आएको छ । पहिलो पटक ०५८ मा अन्तराष्ट्रिय स्तरको क्याराभान गोल्ड आयोजना पश्चात फुटवलमा क्लवको नाम चम्किन थालेको हो । तर आहा गोल्डकप भने ०५९ सालमा पहिलो पटक आयोजना गरेका थियो । अहिले सम्म पनि आहा गोल्ड कपलाई निरन्तरता दिदै आएको छ । प्रतियोगितालाई सफल पार्न हिमश्री फुड्स प्रालिले मुख्य प्रायोजकको भुमिका निर्वाह गदै आए पछि झनै प्रतियोगिता गर्न आयोजकहरु जुर्मराएका हुन । त्यस्तै प्रतियोगिता सफल पार्न आम फुटवलप्रेमी पोखरेली शुभचिन्तकहरुकेा साथ र प्रेरणा पाएकै कारण पनि प्रतियोगिताले निरन्तरता पाएको हो ।

मोफसलको फुटवल क्लवको नाम आउँदा पहिलो सहारा क्लब कै आउँछ । अन्तराष्ट्रिय स्तरको आहा गोल्ड कप आयोजना देखि सामाजिक कार्यमा समेत हात हालेर क्लवले देश विदेशमा चर्चा बटुलीरहेको छ ।

क्लवले एक पछि अर्को फड्का मादै यतिवेला आफनै निजी मैदान बनाउन कस्सिएको छ ।